१६७४ ला किल्ले रायगडावर
राज्याभिषेक राजांचा झाला
अभेद्य असा दुर्ग शिवरायांनी
राजधानीसाठी होता निवडला
सुर्यास्तावेळी दरवाजे बंद होत
चिटपाखरू नसे तिथे फिरकत
राजांनीच लावली होती शिस्त
पहारेकरी आज्ञापालन करीत
कडक शिस्तीच्या वातावरणात
झाली होती घटना एक विपरीत
हिरा धनगरीण होती वाकुसरीत
दुध विकुनी होती घर चालवित
रोज गडावरती येणं- जाणं होतं
दुध विकुन घरी होती ती परतत
घडल त्यादिवशी भलतं आक्रीत
झाली हीच हिरा गडामधे बंदिस्त
बसली ती पहारेकऱ्यांना विनवत
पहारेकरी दरवाजा नव्हते उघडत
राजाज्ञेचं पालनच होते ते करीत
हिरकणीने सोडलीच नाही हिंमत
गडावरी फिरली होती वाट शोधत
तान्हुल्यासाठीच हिरा माई चिंतीत
प्रयत्नांचीही केलीच तिने शिकस्त
तरीही मार्ग नव्हता तिला सापडत
चमत्कारच झाला जणू एका क्षणात
हसु आलचं थोर हिरामाईच्या मनात
एक कडा आला होता तिच्या नजरेत
तिथुन उतरताना जीव होता धोक्यात
विचार स्वत:चा नव्हता तिच्या ध्यानात
तान्हुल्याचीच चिंता तीच्या काळजात
ऊतरली गड वाघीण बाळाला आठवत
जाहल्या होत्याच जखमा तिला अनंत
घरी पोहोचली लेकराच्या ओढीने धावत
काळजाच्या तुकड्यास पाहुन हर्ष मनात
वार्ता ही ऐकुनी राजेही पडलेच संभ्रमात
साडी-चोळी बहाल केली हिराला गौरवत
हिराच्या नावाने बांधला बुरुज रायगडात
हिरकणीवाडी गावही प्रसिद्ध ईतीहासात
अभिमान वाटतो हिरकणीमाईचा सतत
करते वंदन हिरकणीमाईला मनात जपत
🚩🚩🚩जय शिवराय 🚩 🚩 🚩
...हिरकणी मातेचा विजय असो...
🚩🚩🚩जय शिवराय 🚩 🚩🚩
©️®️
✍️...🧚🏻♀️ऐंजल वैशू
( वैशाली पडवळ )
१७ फेब्रुवारी २०२२
वाह... खुपच खुप सुंदर लिहिलं आहेस 👌👌👌👌✍️✍️✍️🙏🏼🙏🏼🙏🏼💐💐💐
उत्तर द्याहटवा