ध्यास तुझा

                    मी
                  तुला
            घेतो समजुन
      स्वाभीमानही सोडला
   हरवतो नित्य सखे तुझ्यात
जीव माझा प्रिये तुझ्यात गुंतला
   श्वासही तवचरणी अर्पिला
    ध्यास मला तुझा लागला

🌰🌰🌰🌰🌰🌰🌰🌰🌰🌰🌰🌰🌰

©️®️
✍️...🧚🏻‍♀️ऐंजल वैशू

( वैशाली पडवळ )

प्रेम म्हणजे..!!

प्रेम म्हणजे काय असते

नाजुक रेशीमगाठ असते

अनोख्या बंधनात बांधते

कधी कुणाला ना दिसते

💐💐💐💐💐💐💐

©️®️

✍️...🧚🏻‍♀️ऐंजल वैशू

( वैशाली पडवळ )

सांगना सख्या..!!

तुझ्या नसण्याची वेदना कशी सहन करू..??

बेचैन मनाला सांग सजना कशी आवरू..??

कितीदा दुर तुझ्या आठवणींना मी सारु..??

सांगना सख्या कुठवर प्रेमात तुझ्या झुरु..??

😔😔😔💔😔😔😔💔😔😔😔💔😔😔😔

©️®️

✍️...🧚🏻‍♀️ऐंजल वैशू

तुमची आवडती लेखीका..!!

अभीनंदन मोहनदादा...💐💐💐

आम्हा सर्व बहीणींचे लाडके मोहनदादा... आपण आज संपुर्ण श्रेणीत प्रथम स्थानावर विराजमान झालात ही आम्हा सर्वांसाठी अभीमानाचीच गोष्ट आहे...लेखक म्हणुन तर तुम्ही ऊत्कृष्ट आहातच पण एक व्यक्ती म्हणूनही तुम्ही श्रेष्ठ आहात याची प्रचीती वेळोवळी येतच असते सर्वांना....!!

...खुप खुप अभीनंदन मोहनदादा...

🎉🎉🎉💐💐💐🍫🍫🍫

तुमची लेखणी सदैव अशीच बहरत राहो....तुमच्या यशाची पताका नेहमीच झळकत राहो आणी....तुमच कौतुक करण्याची संधी आम्हा सर्वांना नेहमीच मिळत राहो हीच बाप्पाचरणी प्रार्थना🙏.....तुमच्या पुढील वाटचालीसाठी मनापासून हार्दिक शुभेच्छा....💐💐💐👍👍👍

तुमची लाडकी बहीण...,

✍️....🧚🏻‍♀️ऐंजल वैशू

( वैशाली पडवळ )

मदतीचा देखावा..??

🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷

   

 

  " जे का रंजले ,गांजले त्यांसी म्हणे जो आपुले...तोची साधु ओळखावा...देव तेथेची जाणावा..."

या अभंगातुन...जगतगुरु संत तुकाराम महाराजांनी...मदतीचं महत्त्व पटवुन दिले आहे...

     काही लोक अगदी मनापासून गरजवंतांची मदत करतात..तर काही लोक मात्र...मदतीचा देखावा करतात...!!

     आता मदतीचा देखावा म्हणजे काय...??

तर काही लोक...मुखवटा घेऊन वावरतात...त्यांचा खरा चेहरा वेगळाच असतो..पण ते फक्त असं भासवतात...की ते आपले हितचिंतक आहेत..आपल्या बरोबर आहेत...पण प्रत्यक्षात मात्र...असं काही नसतंच...!!

असे दोन चेहरे घेऊन फिरणारे लोक वरवर चांगुलपणाचा आवं आणतात... आपल्याबद्दल काळजी आहे असं दाखवतात...पण त्यांच्या मनात मात्र काही वेगळचं असतं...आपली प्रगती ,आपली भरभराट त्यांच्या डोळ्यांत खुपत असते...अशी माणसे...वरवर चांगल बोलून...आपल्याशी जवळीक साधतात..व योग्य संधी मिळताच आपला हेतु साध्य करुन...आपल्याला एकटं सोडून निघून जातात...आपल्या भावनांची...कदर नसतेच त्यांना...पण आपण मात्र त्यांच्या जाण्याने..त्यांच्या कृत्याने खुप दुखावले जातो...!!

पण खरचं यात चुक कोणाची असते..?? त्या संधीसाधु , स्वार्थी माणसांची की...त्यांना ओळखण्यात कमी पडलेल्या आपल्या स्वत:ची..??

निश्चीतच , यात आपलीच चुक असते...आपण माणसांची पारख निट करत नाही..आपण...डोळे बंद करून सर्वांवर विश्र्वास ठेवतो...आणी हेच तर हवं असतं अशा चुकीच्या व्यक्तींना...ते आपल्याला नेहमी हे पटवून देतात त्यांच्या वागण्या- बोलण्यातुन की ते आपल्याबरोबर आहेत..पण मुळात ते आपले विरोधक असतात...याची जाणीव जेव्हा आपल्याला होते...तेव्हा वेळ निघून गेलेली असते...मग...पश्र्चाताप करण्याशिवाय काहीच उरत नाही आपल्या हातात...आपण नैराश्याने ग्रासतो, एकटे पडतो..दु:खी होतो...आपण मग कुणावरही विश्वास ठेवू शकत नाही...मग आपल्या झालेल्या या
विश्वासघातानंतर...आपला चांगुलपणावरचा विश्र्वासच उडून जातो...आपण चांगल्या माणसांना.. मनापासून आपली मदत करु ईच्छीणाऱ्या , आपलं भलं चिंतणाऱ्या व्यक्तींना संशयाच्या नजरेने पाहतो...त्यांना वेळप्रसंगी वाईट बोलून त्यांचं मन दुखावतो...आपल्याही नकळत...आणी मग याचा दुष्परीणामही आपल्यालाच भोगावा लागतो...आपण परत एकटे पडतो...आपल्याच चुकीमुळे...कारण यावेळीही चुक आपलीच असते...आपण चुकलेले असतो परत एकदा...
माणसांची पारख करायला...!!

म्हणूनच...म्हण पडली असावी...
" मुॅंह मे राम, बगलमे छुरी "

त्यामुळे गरज आहे..डोळसपणे माणसांची पारख करण्याची...!!

🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷

✍️.....🧚‍♀️ऐंजल वैशू

(  वैशाली पडवळ  )

अभागी

तुझ्या निरागसपणावर मी खुप भाळलो
तुझे कुविचार नाही कधी समजू शकलो
सखे सतत तुझ्यासाठी जगत मी राहीलो
अखेरीस रीक्त हातांसह अभागीच ठरलो

💔💔💔💔💔 रचना : - काल्पनिक 💔💔💔💔💔

©️®️
✍️...🧚🏻‍♀️ऐंजल वैशू

( वैशाली पडवळ )

रहस्य आनंदाच..!!

🌻🌻🌻🌻🌻🌻🌻🌻🌻🌻🌻🌻

वाटतय समुद्रकिनारी शांत बसावं...,

मनातलं वादळ मनातच थोपवावं..!!

दु:खाला आता कुठवर कुरवळावं..??

नवीन उमेदीने मनमोकळं जगावं..!!

मनातल गुपित न सांगता कळावं...,

अवचितच माझं स्वप्नंही पुर्ण व्हावं..!!

जे हव ते सार न मागताच मिळावं...,

रहस्य आनंदाच सागराला सांगावं..!!

🌻🌻🌻🌻🌻🌻🌻🌻🌻🌻

©️®️

✍️...🧚🏻‍♀️ ऐंजल वैशू

( वैशाली पडवळ )

धुळमाती स्वप्नांची

धुळमाती झाली साऱ्या स्वप्नांची

हातात आहे फक्त राख ऊरलेली

अवचितच झाली गर्दी अपेक्षांची

आता सुखाची आस नसे राहीली

🌻🌻🌻🌻🌻🌻🌻🌻🌻🌻

©️®️

✍️...🧚🏻‍♀️ऐंजल वैशू

( वैशाली पडवळ )

मळभ..!!

मळभ दाटले खुप मनावर
सापडेनाच ऊमेद कणभर
जीवनात सकंटाचींच भर
आता गणरायाचा आधार

🙏🙏🙏🙏🙏 रचना : - काल्पनिक 🙏🙏🙏🙏🙏

©️®️
✍️...🧚🏻‍♀️ऐंजल वैशू

( वैशाली पडवळ )

चाहुल सुखाची..!!

रंगते सदैव मैफल नव्या विचारांची
फुटते मनालाही पालवी ऊत्साहाची
ईच्छा आहे तुझ्यासोबत जगण्याची
चाहुल लागली मला नवीन सुखाची

💛💛💛💛💛💛💛💛💛💛💛💛

©️®️
✍️...🧚🏻‍♀️ऐंजल वैशू

( वैशाली पडवळ )

वीण नात्याची..!!

नाजुक आहे वीण नात्याची
ऊगाचच ती नको ऊसवूस
सवय वाईट सोडना वादाची
पुरे झाली भांडणाची हौस

💐💐💐 💐 रचना : - काल्पनिक  💐💐💐💐

©️®️
✍️...🧚🏻‍♀️ऐंजल वैशू

( वैशाली पडवळ )

पुरुष तो पुरूषच असतो..!!

मनातलं दु:ख हास्यामागे तो दडवतो

संकटातही साऱ्यांना धीर देत असतो

हट्ट पुरवताना ईतरांचे मन स्वत:च मारतो

कधी-कधी मात्र तोही खुप हळवा होतो

नाती सर्व तो मनापासून जपत असतो

पुरुष हा घराचा मजबूत कणा असतो

तरीही कायम तो दुर्लक्षीतच असतो

🌻🌻🌻🌻🌻🌻🌻🌻🌻🌻🌻🌻

©️®️

✍️...🧚🏻‍♀️ ऐंजल वैशू

( वैशाली पडवळ )

हसु दिसावे...!!

सोडूनी सगळे हेवे-दावे
दिलखुलासपणे जगावे
विसरुनी साऱ्या वेदना
चेहऱ्यावर हसु दिसावे

💐💐💐💐💐💐💐

©️®️
✍️...🧚🏻‍♀️ऐंजल वैशू

( वैशाली पडवळ )

बालदिन ( हायकु काव्यरचना )

होऊ लहान

विसरू भुक- तहान

पुन्हा एकदा

पुन्हा एकदा

विसरु मतभेद

हाच ईरादा

हाच ईरादा

बालदिन सर्वांचा 

सुखाचा जावा

💐💐💐💐💐💐💐💐💐💐💐💐💐💐💐💐💐

🙏🙏बालदिनानिमित्त सर्वांना हार्दिक शुभेच्छा🙏🙏

💐💐💐💐💐💐💐💐💐💐💐💐💐💐💐💐💐

©️®️

✍️...🧚🏻‍♀️ऐंजल वैशू

( वैशाली पडवळ )

मनाची तृप्ती ( हायकु काव्यरचना )

झालयं मन
आज पाखरासम
सोन्याचा दिन

सोन्याचा दिन
राहो असा सदैव
हेच मागणं

हेच मागणं
माझं आहे बाप्पानां
हेच सांगणं

हेच सांगणं
व्हावीच स्वप्नंपुर्ती
नित्य प्रगती

नित्य प्रगती
होत रहावी सदा
यशाची प्राप्ती

यशाची प्राप्ती
देतसे समाधान
मनाची तृप्ती

💐💐💐💐💐💐💐💐💐💐💐💐💐💐
©️®️

✍️...🧚🏻‍♀️ऐंजल वैशू

( वैशाली पडवळ )

💐💐💐💐💐💐💐💐💐💐💐💐💐💐

आज " डॉ. सलीम अली " यांचा जन्मदिवस म्हणजेच...,
" जागतिक पक्षी दिन "

सर्व पक्षीप्रेमींना हार्दिक शुभेच्छा...💐💐💐

नवी भावना ( मधुदिप काव्य )

   

       

  

                       तु

                     सांग
                    आपली
                    संवेदना
                  चढली धुंदी
                   एकच मी
                     अन् तु
                      एक  
फुलु लागल्या भावना मनी काय सांगना
   एकटी नाहीस तु आहे मी जाणना
        पटवुनी देऊ कसे कळेना
           सखे तु समजुन घेना
              श्र्वास एकवटला
                  नवी भावना

❤️❤️❤️❤️❤️❤️❤️❤️❤️❤️❤️❤️❤️❤️❤️

©️®️

✍️...🧚🏻‍♀️ऐंजल वैशू 

( वैशाली पडवळ )               

हसणं तुझं ( पंचाक्षरी काव्यरचना )

हसणं तुझं

घायाळ करी

पाहता तुला

धडकी ऊरी

वाहुन गेली

खुप आसवं

सांग सजनी

कसं जगावं

मधाळ हसु

जीवच घेई

बघुन तुला

हुरुप येई

जग दोघांचं

आहे सुंदर

नकोच त्यात

अश्रुंची भर

मिळुन राहु

दोघे आपण

आलाय बघ

दिवाळी सण

🥰🥰🥰🥰🥰🥰

©️®️

✍️...🧚🏻‍♀️ऐंजल वैशू

तुमची आवडती लेखीका..!!

येना पुन्हा ( शेलकाव्य )

येना पुन्हा त्याच किनाऱ्यावर
किनाऱ्यावर गाऊ छान गाणी
हसु नाचु आपण आनंदाने
आनंदाने बहरेल धरणी

🌹🌹🌹🌹🌹🌹🌹🌹🌹🌹

©️®️
✍️...🧚🏻‍♀️ऐंजल वैशू

( वैशाली पडवळ )

शुभ दिपावली ( हायकु काव्यरचना )

घराघरात

सुवास फराळाचा

सण सौख्याचा

सण सौख्याचा

मनात जपलेला

आपुलकीचा

आपुलकीचा

धागा हाच मायेचा

आनंद ऊरी

आनंद ऊरी

छान रांगोळी दारी

ती घरोघरी

ती घरोघरी

शोभते किती भारी

माळ दिव्यांची 

माळ दिव्यांची

ती भरभराटिची

बाप्पा पार्थना 🙏

बाप्पा प्रार्थना

व्हावी पुर्ण सर्वांची

मनोकामना

🪔🪔🎇🏮🎇🪔🪔🎇🏮🎇🪔🪔🎇🏮🎇🪔🪔

©️®️

✍️...🧚🏻‍♀️ ऐंजल वैशू

( वैशाली पडवळ )